三太未聞賭王持飛 超雲：一張都買唔到
對於GaGa港騷掀搶飛熱潮，賭王何鴻燊三房千金超雲昨日與男友陳山聰出席活動時說：「真係一張都買唔到！（想唔想睇？）都想睇㗎！之前喺澳門都睇咗！」問到山聰會否給超雲驚喜？他說：「你哋咁講，都冇得唔識做啦！」有傳賭王訂購300張飛，三太陳婉珍說：「冇講過！都唔知喺邊度傳出嚟！」超雲則笑說：「可能何生收埋咗啲飛呢！」
至於成功購得40張門票的王賢誌說：「之前有人叫我轉讓，因為我同5個朋友夾份買，係自己睇，媽咪問我攞張睇都冇！我搵工人排咗一日，另外一日搵朋友排，因為我要返工排唔到！」而已購得門票的李彩華表示，不會因加場而再買票：「朋友留咗飛畀我，有得睇就得！（啲飛勁炒？）冇聽過，唔鼓吹炒風！（賣出去？）好嘢梗係留畀自己﹗」
三太（左起）、何超雲及陳山聰結伴出席活動。
王賢誌自爆搵工人排隊撲飛。
李彩華拒轉讓GaGa門票。