劉心悠不為片酬亂接劇
去年有份參演內地劇《步步驚心》的劉心悠（Annie），對於該劇在內地爆紅，視帝鄭嘉穎在內地身價狂升，心悠坦言在內地的知名度亦有提升，早前有多個劇本找她，然而向來喜歡做事循序漸進的她表示，不會盲目接劇，會細心分析每個劇本是否適合：「雖然近年都多咗返內地拍劇，但我都唔會因為片酬而亂接劇，冇把握嘅角色唔可以亂做，想按部就班，做好每一部戲。」
早前參加馬拉松的心悠坦言，人生就像跑一趟漫長的馬拉松，要付出汗水來鍛煉出個人毅力：「運動係我生活一部分，我每年都會參加馬拉松跑10公里，依家回頭望，我已經跑咗好多公里喇！我參加馬拉松，唔係為咗攞咩獎，只係覺得做運動好健康，出完身汗好精神，其實做人都係一樣，一定要付出努力，最終內心就會得到好大滿足。」
劉心悠是電影及廣告界的寵兒，去年在內地人氣急升。
劉心悠坦言人生像跑漫長的馬拉松，要付出汗水來鍛煉毅力。
