趙碩之真性情打出血路

性感女星趙碩之近來密密北上拍戲掘金，雖然內地競爭大，但比起香港卻多了很多機會，她認為內地美女多，要樣要身材隨處可見，她惟有以真性情突破重圍，務求以獨特性吸引觀眾，才不會像倒模出來、一式一樣的機械人！

去年復出拍寫真的趙碩之（Wylie），近來退下模特兒火線，轉戰影圈，拍完靈異紀錄片《魕》後，即赴北京拍攝內地電影《醜男大翻身》，她視這部電影為踏入內地影圈的第一步，最初還怕跟片中其他女星夾不來，怎料最後變了朋友：「之前擔心唔知啲內地女演員之間會唔會有啲咩鬥爭，開頭我都好防範，到後來先發覺佢哋唔係我諗到咁。」她認為在香港若非電影公司藝人很難有機會拍戲，所以決定北上找機會。

銀幕初吻獻給台男

內地樣靚身材正的女藝人多的是，要成為萬綠叢中一點紅，Wylie決定以真性情打動觀眾：「我性格好男仔頭，又鍾意運動，叫我點嬌俏？所以要我行打女路線，比較切合性格，仲好過特登行一條唔屬於我嘅路線！」

她在《醜》片中還奉獻了其銀幕初吻給男主角、台男邵奕程，在片中飾演一個大明星的她，無懼主動追求真愛，她直言跟自己真實性格相似：「現實中遇到心儀對象，我都會主動追求，最緊要自己睇得上眼，之前某幾個男朋友，都係我爭取番嚟嘅！」