黃又南債尾 「嚇」出身價
藝人黃又南早前在內地宣傳時，因台上燈光太強，厚衣未能散熱，突然暈倒人前，事後被指是因代父還債令身體不勝負荷！又南心痛父親被抨擊：「04至09年係捱得好辛苦，但坦白講，冇嬲過爸爸，佢一直好正面，反而有時我控制唔到，喺佢面前發脾氣。」他笑指自己不是藥煲，但近日對強燈下的舞台有點卻步。據知黃父已結束印刷生意，變回上班族，一家人現時同住，親情勝於一切。
又南近年在內地甚吃得開，大部分債項已清還，他更視「谷底」生活為鍛煉。早前他與楊冪等合拍《孤島驚魂》打破國產恐怖片的票房紀錄，問到片酬是否三級跳，他笑說：「真係唔知，交晒畀經理人Amy負責。當然生活係需要錢，但唔想淨係為錢去拍戲。」
又南（右）早前以Shine名義出騷，好評如潮。