何傲兒「捕」「食」一Take過超鹹

藝員何傲兒早前到日本拍攝旅遊特輯，全程走訪十多個不同地區，更有機會跟隨漁民出海撈海參即食，奈何多個地方都刮風雪，她中招病倒，焗住在當地求醫，更大呻「乸脷」！

何傲兒（Lily）早前到日本為無綫拍攝旅遊特輯，每年都會到當地旅行的她，主要都是留在巿區，今次卻一口氣去了多個不同郊區景點，令她大開眼界。逗留青森、京都及秋田等地時，她每天吃個不停，結果增磅返港，難怪笑言現在要積極減肥。

在京都鄰近地方拍攝期間，Lily跟當地漁民出海撈海參：「撈上嚟嘅唔單止海參，仲有海馬、海星、八爪魚咁，啲海馬好得意，只有一隻手指咁大，而我係第一次食海參刺身。（咩味？）超鹹！好大陣海水味，食落去好煙韌，當地人連海參卵巢都食埋。」

唔理張慧雯緋聞

由於部分地區落雪，氣溫驟降，Lily亦告發燒病倒，在當地看醫生後，她大呻：「喺日本睇醫生真係好貴，成八百幾蚊，好在有買保險。」

另外，同行的中華小姐張慧雯早前被指認識富豪兼相當富貴，問Lily有否見過對方有名車接送，她說：「咁又冇，我哋只係工作上朋友，私底下嘅嘢唔清楚。」