貝安琪捉阿媽做「白老鼠」

名模貝安琪日前接受ontv獨家專訪，貪靚的她大爆為研究化妝技巧，竟把母親當「白老鼠」，又透露有意闖入化妝界當化妝店老闆娘！

名模貝安琪（Ankie）向ontv表示她自小已研究不同類型的化妝品，並已考獲化妝牌，又自爆為了研究化妝技巧，曾把母親劉香萍當成「白老鼠」，她笑說：「之前有幫媽咪化過妝，記得嗰時為同佢畫一幅畫，所以幫佢化咗一個好濃嘅妝，開頭佢有少少接受唔到，但之後同佢講個作品獲好評，拎咗個A，佢即刻好開心！」

幫朋友化新娘妝

在朋友圈中，Ankie的化妝技巧略有名氣，她透露身邊朋友結婚時，亦有邀請她擔任化妝師，問到會否考慮開化妝店闖入化妝界，她說：「如果有機會都可以諗吓，因為呢個係我嘅興趣，希望之後可以開番間屬於自己嘅化妝店！」她又透露早前獲邀擔任德國著名品牌的新一輯廣告代言人，藉此吸收更多化妝知識，她笑說：「今次獲邀做代言人好開心，因為佢哋會教每季應化個咩妝，畀啲專業意見我！」如果想知道Ankie的化妝技巧有幾高超？立即Click入ontv睇片啦！