Lynn受委屈拒講城城
名模熊黛林（Lynn）與張震昨晚一同出席手錶新店開幕，談到緋聞男友郭富城否認曾送首飾給她，Lynn即委屈地表示不想再回應對方的事情：「佢還佢，我還我。（咁講令人聯想你哋分手？）冇認過，點會分手？（佢唔畀你講佢嘅嘢？）唔係呢啲！唔想再講佢。（佢經理人小美施壓？）我唔知點講，唔識佢，唔回應。」問到他倆現時的關係時，她委屈地說：「朋友就係朋友。（早前有太多關於你哋結婚嘅報道？）都係，再講我冇人要啦！我未婚。（有人追？）乜都冇！（祝福城城搵到另一半成家立室？）希望啦！」
同場的張震則透露早前跟圈外女友去日本旅行，但不敢保證對方是否結婚對象。問到有否留意前緋聞女友舒淇與王力宏傳緋聞？他直指緋聞很無聊，但會祝福舒淇早日找到另一半。
一臉委屈的熊黛林不想再講郭富城。