王維基招手羅蘭未落實續約無綫

甘草演員羅蘭與李龍基前晚出席長者晚宴時透露，曾收到王維基公司的挖角電話，羅蘭自言與無綫仍有8個月合約：「無綫叫我簽多兩年，睇吓到時身體點先啦！雖然我戲癮冇減過，但都要睇吓手手腳腳聽唔聽話。（黃日華同個女都過檔。）唔知喎！不過呢行咁辛苦，點解個女唔做吓出面嘢先？」而李龍基則表示很享受登台工作，若有好角色及劇本才考慮。

至於余慕蓮則在另一活動上透露，已跟王維基簽下3年合約，但自由度很高，不但能亮相其他電視台，更可到內地拍戲：「第二個搵我拍都可以，抽番佣囉！」她坦言很愛演戲：「趁依家仲行得走得！」

李龍基直認無綫與王維基開出的條件都吸引，但他較享受登台。

羅蘭姐仍熱愛拍戲，但要視乎身體狀況，才決定是否續約無綫。