無綫藝人梁嘉琪前日遇上兩次交通意外，她表示無大礙，笑言遭同事及同住屯門的呂慧儀「嫌棄」：「佢知我返緊屯門，即刻叫我唔好行埋嚟！」她透露首次意外是乘小巴上班時發生，有的士攔腰撞至小巴移位，冇人受傷，豈料乘巴士回家時再遇意外：「我坐架巴士，畀架懷疑跣胎巴士撞爛晒啲玻璃窗，全部人要落車！」
