同道中人金剛冧嗒蔡慧欣
除了台模沈志明緋聞多多外，由台灣來港發展的金剛亦被前台灣女友Ashlee唱「爛滾」，最近又被指搭上台灣辣妹兼溝節目《五覺大戰》中的「神獸港姐」蔡慧欣！金剛昨日澄清與前女友已冇聯絡，唱他的只是對方的朋友，而台灣辣妹更將為人婦。他表示在感情方面並非混亂，強調是「自由身」，問到對蔡慧欣可有意思？他甜絲絲地說：「OKo架！一齊做嘢成日見。（情人節表白？）冇呀！我情人節竟然同小儀做嘢，唉！（其餘七位『神獸女』嗒糖？）我冇咁犀利，只係每個人都有佢特質！」
至於「神女有心」的蔡慧欣坦言喜歡金剛這類幽默型的男仔：「佢好搞笑！（特別冧你？）佢對個個都好。（接受追求？）唔知點答，做朋友先都OK，唔係相處好耐！」
金剛對蔡慧欣十分嗒糖，難得女方亦全單接收！（資料圖片）