陳志雲與林以諾牧師昨日接受查小欣訪問，林牧師表示有衝動提名志雲選特首：「佢EQ夠高，唔會喺屋企挖窿！」志雲又笑言希望牧師在騷上講林峯，並澄清自己在浸大講座冇彈林峯：「我只係話唔熟《Chok》呢首歌！做藝人好慘，要有自我中心，唔可以因為人哋點睇而影響自己！（點解TVB咁捧林峯？）應該問樂小姐（樂易玲），佢處理嘅！」下月1日正式離任無綫的志雲，坦言有其他公司斟過檔，但目前未有任何考慮。
林以諾牧師（左起）、查小欣及陳志雲暢談城中熱話。
