楊怡認狼虎之年密密做

楊怡、陳法拉、陳豪及林子祥等前晚出席日本城春茗活動，既唱歌又落台耍冧功與觀眾親密接觸，當中以林子祥及陳豪反應最佳。楊怡被指遭緋聞男友羅仲謙踢爆正值「狼虎之年」，她指不會為報道嬲怒，人紅當作宣傳：「狼虎之年係真嘅，我要努力搵錢嘛！（性方面喎！）我真係唔信佢會咁講！（同佢乜嘢關係？）好朋友囉！佢有乜都會同我講。（佢力撐你冇整容？）好多人撐我，唔只佢一個，佢話撐我撐到腰痠背痛，我送支跌打酒畀佢。（佢撐你係咪特別冧？）係男仔撐我都冧！」

至於法拉被問到穿得密實，是否以免落台遭鹹豬手？她說：「都少少Sexyo架！都有See Through，都唔怕，佢哋好斯文。」

楊怡出席活動搵真銀，果然是「狼虎之年」！

陳法拉穿得密實，當然不怕被鹹豬手！

陳豪雖然甚受歡迎，但仍不敵林子祥。