憶蓮「后」台勁 逼Kay早抖

近年不少前輩級歌手「出山」洽談唱片公司及開騷，下月舉行演唱會的林憶蓮成功與環球達成共識，以800萬元天價簽約2年，令與環球關係惡劣的謝安琪冇癮提早4月離巢！

林憶蓮於06年推出唱片《呼吸》後，一直處於休息狀態，直至去年才活躍樂壇推出兩首新歌及舉行叫好又叫座的演唱會。今午憶蓮將出席簽約環球唱片記者會，早前有傳她以1,500萬元簽約環球，據可靠消息，由於她擁有個人創作公司，只會將新碟發行交給環球，雙方拉鋸下，日前終達成共識800萬元簽約2年，環球成功再羅致天后！

4月回復自由身

環球現時有陳慧琳、吳雨霏、劉美君及謝安琪（Kay）等歌手，早前環球與Kay經理人分別承認意見不合，並即時將Kay掟入雪櫃。據知，憶蓮的加盟令Kay極度冇癮，並加速離開環球，Kay完成下月1日環球舉行的悼念張國榮演唱會後便提早離巢，最快4月回復自由身。

不過，對於憶蓮加盟環球，Kay大表支持：「係件開心事，佢係我好喜歡嘅女歌手，希望佢有好發展，都想同佢合作！（加速你離開？）唔關事，從來都冇比較。」