台灣拍「跳樓戲」Baby呻冇人擔心
昨晚與城城同場的包括Angelababy、徐濠縈與Ana R.等，Baby看過現場六層樓高的垂直Catwalk後即表示，自己也試過從高處跳下：「之前拍電影《痞子英雄》嗰陣試過喺八層樓高跳落嚟，嗰日同今日一樣都係又大風又落雨！頭先大家都好擔心同緊張嗰三位表演者，但係我拍戲嗰陣就冇咁多人為我擔心！如果要我再拍都敢，因為係挑戰，拍完幾有成功感。」
提到與男友黃曉明的婚證傳聞，她再次否認：「係假嘅！如果我結婚一定會同大家講。（知道惡作劇來源？）可能太多人想我結婚，多謝佢哋咁關心我，但唔好再做假婚書！我唔會追究，但想話畀人知係假嘅，同埋做假證書係犯法嘅。」她表示未有計劃何時結婚，與男友亦沒有共識，希望以事業行先。
Baby再次否認婚訊傳聞，只表示與男友黃曉明未有共識何時結婚。
徐濠縈一身潮Look打扮撐場。
美國歌手Skylar Grey特別來港出席活動。
吳嘉龍攬實Ana R.入場，可謂羨煞旁人！