周柏豪哮喘落場夠贏

周柏豪與余文樂前晚率領籃球隊打冠軍戰，最後險勝贏得冠軍。原來柏豪比賽前曾到醫院，剛發現有哮喘的他兩日間入院三次，看來病情不輕，但出院後仍繼續到廣州出席活動！

周柏豪及余文樂前晚為球隊橫洲工業打冠軍賽，最後以54比51險勝奪冠，剛病愈的兩人落場時間較少及表現一般。堅持落場的柏豪原來剛發現有哮喘，分別在前日比賽前、入睡後及昨晨因哮喘發作，而在短短兩日間三度入院。

由於他在廣州有兩個活動，故昨日出院後即趕赴其個唱的發布會，他透露因「聞氣」關係而遲到兩小時，為此感抱歉。昨日柏豪在電話訪問中說：「今朝（昨晨）瞓醒時咳得好犀利，所以再入院睇急症。醫生有叫我取消活動同休息，但覺得取消嘅話對客戶唔公平，所以唔取消頂硬上！（夜晚要唱歌點算？）暫時情況OK，會堅持唱Live，唱得好唔好聽係其次。」

讚林書豪勁

而樂仔在前晚球賽中，射失兩球重要的罰球，他一度擔心會成罪人，幸球隊最終能勝出。他透露主演的兩齣新片將於下月先後上映，自言對票房有信心，而明年則會減少出賽。樂仔與柏豪又大讚NBA新星林書豪厲害，作為華人為他而感到光榮。