婷婷想送巨鑽氹百歲嫲嫲
謝婷婷前晚出席鑽飾活動時表示，今年嫲嫲100歲大壽：「真係好開心，因為媽咪係計舊曆，所以嫲嫲確實幾時生日真係唔知，加上佢又唔喺香港住。」她透露最想送大鑽石或大利是給嫲嫲，記者笑言不如送孫女婿？她說：「佢未見過男友（安志杰），但佢鍾意嘅禮物係要戴得，我想孝順啲，因為喺加拿大時佢有照顧我。」婷婷指家族有三十多位成員，更笑說：「有時望住嫲嫲好得意，全部人都由佢而嚟！」
現場擔任模特兒的林莉自嘲小時候是醜小鴨，直至選港姐才首次穿高跟鞋。同場的莊思敏表示過了個「平安」情人節，首次為此節日感難過，問到林忠豪有否送花，她斷言雙方沒聯絡。
謝婷婷為嫲嫲的百歲大壽感到興奮。
林莉（左起）、莊思敏、鄧達智、馬詩慧、鍾浠文及羽翹出席活動，其中莊思敏變性感「影後」。