陳錦鴻設閘攔路蘇玉華天台屋打雀
特首候選人唐英年爆出「地下唐宮」而惹來一身蟻，疑似僭建風暴亦席捲娛樂圈，蘇玉華寫意玻璃天台屋、陳錦鴻愈起愈豪村屋、吳綺莉的玻璃天幕均是踩界之作，隨時被指僭建。
僭建醜聞令唐英年遭全城喪插，選情即時插水，今次僭建風暴除影響唐英年外，連一眾喜歡住村屋的圈中人亦隨時有難，不少藝人貪村屋面積實用兼有車位方便泊車，有人疑似偷偷地做手腳，令到空間更加好用，唐英年「地下唐宮」風波爆出後，記者昨日走訪不少藝人寓所，發現不少人仍未有撥亂反正。
蘇玉華居住的西貢村屋天台位置有一半變成玻璃屋，從高處可見設有運動單車和麻雀枱，方便招呼雀友，又可以做運動KeepFit，空間感十足。
對於家中疑似有僭建物，蘇玉華說：「天台屋搬入去已經有，如果有問題屋宇署會通知，一直都冇收過信，所以暫時唔會認為係僭建。」
喜愛大自然的陳錦鴻所居住的平房村屋，疑似愈起愈豪，無厘頭多了一層玻璃屋，而屋外一條斜路亦被加設大閘，疑自製私家路，連政府的垃圾站亦被圍在其中，無故遭「私有化」。另外，吳綺莉和女兒居住的大埔村屋，天台位置亦有玻璃天幕，落雨晾衫亦不怕被淋濕。
唐寧私家車房誇張
至於唐寧居住的村屋亦相當誇張，天台除有玻璃房外，地下更有私家車房，認真利用到盡。記者致電問到僭建一事，唐寧說：「間屋係租o架！我聽人講唔超過三分之一係合法，所以我當佢係溫室，但都會叫業主留意，至於個車房係地下住客嘅。」
蘇玉華表示冇收過政府信，所以暫時唔會認為屬僭建。（資料圖片）
蘇玉華一半天台建成玻璃屋，估計是方便做運動及招呼雀友。
陳錦鴻的寓所天台有玻璃屋，還有大閘疑自製私家路。
唐寧的寓所天台有玻璃屋，地下建有車房。
吳綺莉的大埔村屋，天台位置建有玻璃天幕。
黃貫中寓所的天台建鐵幕。
曹永廉寓所的露台封上玻璃。