傅嘉莉遊韓Shop到半夜
有「翻版徐子淇」之稱的模特兒傅嘉莉，早前與7名同事遊韓國，以慰勞自己一年以來的辛勞，她笑言此行是瘋狂購物之旅：「我哋真係由朝Shop到晚，就算正常舖頭都閂晒門，我哋仲去開到凌晨3、4點嘅東大門血拚！雖然只係去咗4日，但一個大篋都裝唔晒啲戰利品，要問朋友借旅行袋寄艙返香港。」她最難忘在魚市場揀海鮮，然後到附近餐廳即場炮製美食：「我哋第一次去魚市場，覺得好得意，嗰度好凍，仲要伸手落水揀海鮮，但真係好好味，我最鍾意食蟹！」她更識做地扲荷包請同事食大餐，答謝他們一直以來的支持及幫助。
傅嘉莉忙於Shopping，但不忘沿途影靚相。
親自到魚市場揀海鮮的傅嘉莉，食到唔停口。