李司棋冇聽過菊姐結婚

李司棋昨日出席於藍田啟田商場舉行的《產品安全嘉年華2012》，為其代言的健康產品領取獎狀，更在台上高歌一曲，大受街坊歡迎。

對於好友關菊英否認與同性好友結婚，李司棋說：「我同關菊英通過電話，之前都有同佢兩個飲茶，冇聽過喎！其實佢哋到咗呢個年紀，又唔係講求儀式嘅人，依家過得幾開心，我諗（結婚）可能性不大。作為朋友只係想佢兩個做佢哋喜歡嘅事，呢啲都係佢哋兩個之間嘅承諾。」

戴上太陽眼鏡的司棋姐為代言的品牌領取獎狀。