名媛陳君宜前晚穿上性感低胸裝出席晚宴，問到之前如何過情人節？她說：「同班朋友過，老公送咗好大束玫瑰花畀我，但太忙冇回禮，嚟緊又要去米蘭Fashion Week一個月。（同老公小別勝新婚？）間中分開感情會好啲。（唔會心掛掛？）都會！」至於會否追龍B，她說：「順其自然，都想要小朋友。（會否羨慕好友徐子淇生三個？）唔會，唔想要太多，生一個可以多啲二人世界，鍾意生女多啲，因為可以幫佢扮靚，我驚啲仔好曳。」
大騷「事業線」的陳君宜暢談造人大計。
