蒙嘉慧處女下海趁「墟」
現時替電台拍劇的蒙嘉慧（YoYo）最近少拍無綫劇集，不過她即將與呂慧儀及卓韻芝合作主持無綫節目《三個女人一個墟》。問到口才好不好？首次擔任主持的她說：「平時我面對傳媒嗰陣把口唔係好叻，不過我勝在求知欲強，節目入面我哋會講唔同層面嘅女人嘢，監製仲要求我哋訪問嘉賓時，打爛沙盆問到篤，我都好有興趣挑戰吓！」問到會否八卦卓韻芝與外籍男伴的新聞？她說：「我同佢識於微時o架！我第一套拍嘅劇都係同佢合作，不過我份人唔係好八卦！」提到三位主持各有型格，呂慧儀有身材、卓韻芝屬豪邁開放型，YoYo她笑說：「我係保守嗰類型囉！」
