陳豪演大老倌拉隊偷師

陳豪將在《金枝慾孽2》中演出大老倌一角,為演好角色,早前陳豪與首度合作的陳煒及其他劇中演員到大學聽崑曲化妝及示範講座偷師,備戰角色!

陳豪、黃德斌、陳煒、關禮傑、韋家雄及簡慕華等前日為即將開拍的無綫劇《金枝慾孽2》作準備,齊集浸會大學聽崑曲化妝及示範講座。據知,今次演員的角色與上次不同,陳豪會飾演一名大老倌,之後再入宮;關禮傑會有反串的花旦戲份,挑戰度十足!而在第一輯飾演小祿子並死去的黃德斌,據知今次會演囚犯。

當日陳豪抵達浸大後,被女學生索合照簽名,相當受歡迎!對於在劇中有新嘗試,他大感高興:「我鍾意睇大戲,今次係新挑戰,未知應唔應付到,盡能力!到時可能都要親自唱,之前已經聽老師講啲發音位置,係好高深嘅學問。」

關禮傑反串花旦

在劇中反串的關禮傑透露在劇中於台上是女人,台下是真正男人:「扮女裝都驚,驚好似以前拍《新紮師兄》咁中咗毒,真係要細心研究,都有啲壓力,有好多嘢要兼顧,我隻手啲皮膚咁粗,要去做手蠟先,必要時可能要搵替身。」

另外,陳煒前晚出席晚宴時透露下月在無綫拍劇,角色跟陳豪有關係,問到做配角會否不慣?她說:「呢套係大製作,好多人恨都恨唔到。」日前她還在微博上把香港亞洲電視演員身份轉換至「我係TVB新人」為證!

影視組

陳豪做足功課,期望演好《金枝慾孽2》中的大老倌一角!

關禮傑與陳煒將在新劇中合作。

悉心打扮出席晚宴的陳煒談到將到無綫開工,還把無綫職員證上載微博。

陳豪甫出現,即引來Fans索合照,十分受歡迎!