阿旦否認博宣傳 阿嬌：要回應早就回應
o靚模鄧伊玲（阿旦）與TVB主持黎國輝（阿感）分手，鍾欣桐（阿嬌）被指是導火線。阿旦昨日到now TV接受訪問，對於阿嬌日前公開指阿感遇人不淑，暗寸有人博宣傳，阿旦眼紅紅地說：「兩個人嘅感情事，其他人冇資格評論。（唔好多嘴？）都係，我聽到好受傷害！我冇出書又冇出碟，有咩博宣傳？畀人誤解有唔開心。如果講遇人不淑，我又唔係色狼，反而阿感好易同人做朋友，我希望佢日後要小心身邊嘅朋友。」另外，Twins昨日到電台受訪，當談及阿旦，阿嬌搶先問：「佢諗通咗嗱？」記者告知詳情後，她說：「依家牽涉到我嘛！如果唔係搞到人點會有呢啲新聞，要回應早就回應啦！隔咁多日。」蔡卓妍只想保護自己，希望事件盡快完結。
阿嬌（左）被阿旦分手事件牽連，阿Sa則希望事件早日完結。
阿旦眼紅紅否認博宣傳，更勸舊愛阿感小心朋友。