草蜢有腰有膊贏掌聲
曾揚言「做男人要有膊頭、做公職要有腰骨」的唐唐，前晚回應大宅僭建問題時擺老婆上枱，當晚舉行的《IFPI香港唱片銷量大獎》隨即變成「倒唐大會」，台上、台下圍插唐唐！其中草蜢致詞時說：「我哋做音樂嘅人，真係有膊頭同腰骨！」全場即時拍爛手掌！問到是否有感而發，蔡一智說：「唔係，只係覺得做音樂嘅歌手要對樂壇有堅持。（弦外之音？）我講音樂啫！聽到有嘅都係你哋聽到。」他揚言會為樂壇付出全力：「我哋會做好呢份工！」
至於祖兒則認為網友的惡搞圖片很有創意，並大讚唐太偉大：「如果想成為Leader，要做事公平等大家服。」林峯則搞笑地說：「我淨係知道間屋好靚，我都想有！（唔好僭建喎！）夠大，唔使啦！」而蔡卓妍則說：「誠信好緊要，應該好好向香港人交代。」
草蜢致詞時自稱有膊頭及腰骨，並承諾做好份工，非常啜核！
祖兒連掃六獎成為大贏家，氣勢一時無兩。