寸唐英年見真章杜汶澤：人蠢事大
唐唐擺老婆上枱引來公憤，昨日由哈爾濱返港的杜汶澤表示，途經深圳時已得知「謊唐」事件，他勞氣地說：「僭建事小，人蠢事大！好多地方嘅高官搞出事，但人哋處理得好好，呢啲關乎智商問題，有事發生即刻見真章，試問點可以放心交個城市畀佢？」不過，他其後笑說：「都係唔好咁嬲，將來如果選中佢仲有排勞氣！」
至於向來敢言的Band友黃貫中則在微博寸爆唐唐，代入其身份扮口窒窒說：「好吧，我只有告訴大家真相，我其實係係係……蝙蝠俠，那個地下室係係……蝙蝠洞，你們滿意未？」非常抵死！而張文慈則怒斥：「看不起這種男人！」莊思敏則感慨：「連2千幾呎嘅事都理唔到，香港更加唔到你理啦！」
杜汶澤認為若唐唐當選特首，市民會有排勞氣。
黃貫中在微博扮口窒窒寸爆唐唐。