林熹瞳「晶」心布局試鏡氹仔

「怪談女」林熹瞳（Rachel）對水晶催運之說十分着迷，已佩戴水晶5年的她，趁壬辰龍年伊始，與水晶專家天林交流水晶開運法，希望龍年活得「晶」彩！

晶瑩剔透的水晶，令不少女士為之着迷，除了因為閃爍亮麗，還因為有水晶開運之說，說到好水晶，Rachel亦是其中一人。提到跟水晶的緣分，Rachel說：「我5年前開始戴水晶催運，記得有朝瞓醒有條粉紅色水晶鏈變咗白色，結果我當日就同男友鬧交分手，我覺得條水晶鏈好似畀提示我咁，好神奇！」

Rachel表示，自此每次試鏡都會戴綠水晶催運：「吸能量就戴左手，釋放能量就戴右手，見男友就梗係戴右手啦！我覺得水晶好神秘，後來聽天林講咗好多水晶催運擋煞嘅學問，令我更加着迷。」

犯太歲都唔怕

天林指水晶可助犯太歲者趨吉避凶：「龍年犯太歲生肖有龍、狗、牛同兔，戴唔同顏色水晶，可以改善唔同問題：綠色利事業、正財；黃色、金色利招財、偏財；粉紅色利桃花、人緣。戴水晶唔可以24小時，要除低抖吓，逢農曆十五同七月除外，要將水晶放喺月下吸收能量，每日要同水晶講你想佢幫你乜嘢，而正月更係輸入全年最重要訊息嘅時間！」