陳偉霆 做有學識蠱惑仔

陳偉霆（William）和詩雅（Michelle）稍後將合作拍攝新片，William今次首演江湖人物，不過他正構思做個「鑽石蠱惑仔」：「我會反傳統，做個冇紋身、有學識嘅人，同常見嘅蠱惑仔唔同。（你都有幾個紋身喎？）考慮用化妝遮住，一切由導演決定。」為了演出更入木三分，他打算向江湖人物取經學習術語。

而Michelle指與William是「螢幕情侶」，皆因入行以來已第三次跟他結緣，她在片中扮演專業人士，因對白有大量專用詞語，故要向有關方面的專業人士學習。問到片中可有突破？Michelle說：「我諗過為配合角色，將頭髮剪短，畀人一種成熟、硬朗啲嘅感覺。（捨得？）唔捨得㗎！但劇情需要，我都會忍痛剪頭髮。」

陳偉霆和詩雅入行以來第三次合作，可謂駕輕就熟。