台灣歌手張信哲入行多年，唱盡無數經典情歌，被譽為「情歌王子」，但原來他對這稱號曾經感到厭倦：「原本好討厭呢個名，但依家可以同呢個稱號相處，係一個定位！」於下月底在紅館舉行兩場《我看見世界巡迴演唱會》香港站的他透露，屆時會加入話劇元素，亦會獻唱廣東歌，雖曾推出廣東話作品，但他自謙仍有進步空間。他又表示近年對唱作歌手方大同特別欣賞：「佢係一個好有Style嘅唱作人，風格冇人學到，別具一格。」至於早前推出專輯《初》，他表示寓意從頭開始，望給樂迷新鮮感。
張信哲下月開騷，唱盡經典。
