鍾一憲麥貝夷有錢兩份使

圈中有不少情侶檔經常孖住出席活動，實行有錢齊齊搵！當中包括歌手鍾一憲及麥貝夷、譚晴與何紫綸這兩對「情侶」。雖然這兩對男女日見夜見，可惜同樣未能擦出愛火。

歌手鍾一憲（Jason）及麥貝夷（Karene）日前穿情侶裝出席活動，常以「情侶檔」身份搵錢的他倆私底下感情極佳，除了會互訴心事外，就連錢銀亦無分你我，不介意共用賺得的酬勞！現在仍是單身的他倆感情要好而且外形合襯，惟至今仍未能擦出愛火花，實在可惜！

即使適逢日前情人節，他們都一個約愛犬、一個約醫生，分開過節，Jason說：「佢（愛犬）最近經期到，所以心情抑鬱，我每日返屋企都要變身做『奶媽』照顧佢！」而Karene則因牙骹問題，故要約醫生「啪骨」。

譚晴嚮往姊弟戀

至於譚晴及何紫綸（Ann）這一對，同樣經常孖住出席活動及錄影節目，日見夜見，連譚晴都不禁表白：「佢係我理想對象！」可惜阿Ann已名花有主，故二人暫時未能成為情侶。譚晴透露以前的女朋友不少都比他年長：「最多嗰個係相差五年，我覺得咁會易溝通啲，亦試過同細過我嘅女仔拍拖，但感覺似湊女多啲！」單身的他更明言想於圈內覓得真愛：「始終一齊做呢行會易明對方多啲，幕後都OK！」