「性感女神」朱茵日前出席活動時，身形明顯較前圓潤，對於早前傳懷孕，她向ontv澄清：「絕對冇！（未講得？）真係冇！每年冬天着羽絨就會畀人咁寫，我要婚後先會生BB，但未有計劃。」她又透露男友黃貫中早前送單車作為情人節禮物，問到會否生BB作為情人節禮物，她即說：「傻咗咩？人命關天！」她又笑言被身邊有BB的朋友嚇怕：「身邊有BB嘅朋友全部都有黑眼圈，你話我驚唔驚呀？」
坦言不做未婚媽媽的朱茵，日前性感出席活動。
朱茵暫時未有生BB計劃，一切隨緣。
