拍檔金剛讚Jacky好仔
藝員金剛去年與前香港先生李善恒（Jacky）合作拍攝節目《街坊廚神》，他接受電話訪問時被問到李善恒與應屆港姐朱希敏撻着，他說：「冇聽過，不過Jacky咁大隻、咁靚仔，啲女仔實鍾意呢啲類型。Jacky係好男人嚟o架！我哋之前一齊做節目，都想撮合佢同王淑玲，佢哋外形好襯，不過就唔成事。」
金剛近期甩拖回復單身，問到會否叫李善恒介紹港姐給他？他笑說：「梗係要啦！我即刻問佢。其實我一路都拍拖，依家單身，暫時想抖吓。」
小儀則說：「香港先生、香港小姐拍拖都好合襯，Jacky係好男仔嚟o架！等我打畀佢八卦吓先。」
