黃貫中：難食都要食

黃貫中昨日與糖兄妹及林宥嘉出席演唱會記者會，他透露情人節與女友朱茵煮飯仔慶祝：「女人突然煮飯唔好制，因為幾難食都要食，好彩我去得多發展中國家，慣咗！」並笑言下次出碟會拖女友及愛犬出街當宣傳。對於好友蔡少芬傳為套現而大屋搬細屋，他說：「喺我眼中佢係富婆，可能因為校網等原因啫！」而糖妹則認為送花很浪費：「送筆好過送花，情人節我冇收花，亦冇人暗示。」

林宥嘉（左起）、黃貫中與糖兄妹宣傳環保演唱會。