楊梓瑤：冇資格做男人

特首候選人唐英年對大宅僭建一事唔認又認，昨日對公眾致歉時更有擺太太郭妤淺上枱之嫌，誠信盡失，引起全城怒插！不少藝人加入聲討戰團，張敬軒寸他打溫情牌要看場合，而楊梓瑤更直斥他沒資格做男人！

特首候選人唐英年的九龍塘寓所被揭僭建，他連日來多番迴避，昨日偕太太會見傳媒時，更辯稱當年要處理婚姻問題才沒有時間處理僭建一事，引發全城怒吼！鄧梓峰、傅明憲及呂慧儀等即時瘋傳網友惡搞唐唐的圖片，更留下不少火辣言論！

林盛斌促收皮

其中新城DJ林盛斌（Bob）說：「唐先生，認真聽我講一句：不如你收皮罷啦！」而鄧梓峰則指：「Yeah！香港又多一個旅遊景點！唐代地下宮！」「浸大E神」楊梓瑤則寸嘴說：「唐生，你嘅膊頭突然收窄咗，定你太太嘅膊頭突然加寬咗？你嘅行為唔好講話選特首，就連做男人嘅資格都冇呀！」

要數最抵死的則是張敬軒，他在微博留言：「拆僭建拆多咗，拆咗個膊！」其後他接受本報電話訪問，問到是否覺得唐唐誠信破產，他說：「以市民角度睇，我對佢有保留，選特首係咪為咗光宗耀袓？如果政治人物要打溫情牌，都要睇場合！」他更直斥其智囊團表現差！至於向來敢言的黃秋生谷到無言以對，只說：「無話可說！」而模特兒莊思敏則說：「代表唐生嘅膊頭喺老婆度，呢啲講係咁講，信唔信有眼睇！佢住喺嗰度冇理由唔知！（佢話住官邸好少返去。）即係所有酒都係佢老婆？咁都幾好酒量喎！」

袁彌明唱反調

不過，向來是「時事判官」的袁彌明則為唐唐講好說話：「其實唐英年咁講都係迫於無奈，至於話佢賴老婆，我覺得唔緊要啦！反而佢賴同老婆06、07年感情低潮嗰度就搞笑啲囉！我認為佢可以唔講呢句！我覺得唐英年參選特首嗰陣，應該用水泥封咗嗰度，呢個係低級錯誤。」而賭王四太梁安琪則說：「佢肯出嚟承擔都係好表現，無論將來邊個係領導人，都應該對社會負責。」

至於向來挺唐的黎明，因身在哈爾濱出席影展而未能聯絡，同樣挺唐的周星馳亦因工作關係未能回應，而譚詠麟則在微博說：「做特首真係光宗耀祖？」詹瑞文亦上載一段名為《硬膠唐唐玩硬Gag》的短片惡搞唐唐，非常啜核！