新劇借「雙非」轟政府 Niki撐反映現實未驚過

近年內地孕婦來港產子搶床位，鬧得滿城風雨！無綫新劇食住條水，昨日拍攝本地孕婦抗議戲份，女主角周麗淇亦無懼題材敏感，力撐反映現實！

周麗淇（Niki）、呂慧儀、朱璇及李綺雯等昨日在金鐘新政府總部外圍，拍攝新劇《女警愛作戰》一場本地孕婦上街抗議的大場面，劇組出動數十名臨記，加上輔警及身穿警服的演員，相當認真！由於「雙非」鬧得滿城風雨，新劇亦加插該情節，李綺雯以大肚Look演本地孕婦，楊娜則演內地人，兩女於人群中互罵，再加上臨記高舉「無能政府等收工！縱容中介做幫兇！」等橫額，幾可亂真！

對於該情節題材敏感，Niki卻一臉輕鬆地說：「電視劇都係反映現實一部分，我演嘅警務人員都係攞番個平衡位，冇話幫邊度、反邊度嘅，我自己就保持中立！」劇情還講述Niki為孕婦接生，相當逼真：「我冇呢方面經驗，未見過又未生過，好彩我唔怕血！」

呂慧儀恨收花

至於面青青的呂慧儀則透露，近日忙於為劇集埋尾而作病，更指情人節將於工作中度過，不過已計劃親自炮製心形朱古力送給老公，問到想收甚麼禮物？她笑說：「又冇喎！我唔想佢使咁多錢，不過鮮花都鍾意嘅！依家我哋關係仲好似拍拖咁，好Sweet！」