王祖藍送天上星無比溫馨

據與祖藍及李亞男同教會的好友透露，當年祖藍與亞男分手時痛苦非常，每次返教會都哭個不停；幸好那時與祖藍稔熟的蔡少芬不斷給予支持，並教他「斬纜」秘技，祖藍才得以渡過難關。記者就此事向祖藍求證，他坦言當時很痛心，但已事隔多年，不願多談。

與亞男相戀多時，祖藍曾花心思炮製及送了不少禮物給她，當中最特別的是曾送了一顆天上的星星，並附有抬頭寫着「李亞男小姐」的證書。但祖藍笑指那星星相當「呃錢」：「其實係咪真係買到粒星星係未知數，雖然佢畀張好似證書嘅嘢你，但係咪真係畀你買咗冇人知！係擺明畀人呃o架啦！但我覺得冇所謂，佢開心咪得囉！」幾經追問後，祖藍才肯透露花了數千元買下該顆星星。

「藍男」分手期間，蔡少芬一直扶持祖藍。