亞洲各地同「星」一哭

雲妮的突然離開，各地演藝界藝人無不惋惜，紛紛說出對她的懷念。除了文字表達，樂壇天后王菲用一支蠟燭圖案來表達敬意。

香港

陳慧琳：好震驚同惋惜，因為喺美國讀書時已經鍾意聽佢嘅歌曲，因唱功了得同極具感染力。

謝霆鋒：咩話！點解無啦啦會咁嘅！佢個樣唔似吸毒，又冇聽到話佢有癌症，一直都好欣賞佢嘅歌曲。

林欣彤：好可惜！佢生前對樂壇貢獻良多，我好鍾意佢嘅歌，唱歌嘅感染力好似講嘢咁直接，遺憾冇睇過佢現場演出。

譚詠麟：Whitney Houston R.I.P. We'll always love you！

張智霖：繼米高積遜後，連雲妮侯斯頓也走了，我的音樂世界還剩下甚麼……

容祖兒：喺香港睇過雲妮嘅演唱，歌聲好特別，現今無人能取代。

薛凱琪：好震驚，佢咁後生就過身，一向都有聽佢嘅歌，佢啲舊歌都聽到熟晒。做巨星壓力好大，但係毒品解決唔到問題嘅。

徐濠縈：好可惜、好突然，佢咁後生只得40幾歲。（藥物致命？）嗰樣嘢唔好掂，生命冇take2，（有傳她死前身上不足100元？）冇理由！佢食歌嘅版稅都有排食，唔係使晒啲錢去食毒品呀？真係食死人o架！

周秀娜：佢係一個真正嘅歌手，依家都有聽佢嘅歌，唔會忘記佢響亮嘅聲音，永遠都懷念佢。

何佩瑜：睇過佢拍嘅《護花傾情》，亦都有聽過佢嘅歌，好鍾意佢把聲，I will always love her。

中台

韓　紅：非常非常難過，我初學流行音樂唱歌時的老師！真的難過，惋惜！感謝你曾經對我音樂上的幫助。

黃曉明：緬懷當今樂壇偉大的流行女歌手，我很喜歡她的歌。

林育羣：不能接受偶像猝死的消息，希望只是發噩夢，永遠冇機會與偶像合唱。

李冰冰：好難過，走好。

許茹芸：她是我高中時代的回憶，謝謝你如天使般美麗的歌聲。

日韓

日本天后濱崎步：對雲妮之死難以置信。

韓國組合Super Junior主將崔始源：樂壇又痛失多一位音樂奇人，希望她安息。

韓國女歌手BoA：RIP Whitney Houston. Still can't believe ……

韓國組合2AM成員瑟雍：自高中時代已聽雲妮的音樂《I'm every women》，相信她的音樂不會就此消失。