港騷搞手陳淑芬難忘雲妮拆菲林
雲妮侯斯頓多次來港，其中88年曾在紅館舉行一連三場個唱，當時個唱製作人陳淑芬對雲妮印象深刻：「有晚佢畀支咪撼崩隻牙，因為喺前面唔好睇，要即刻整，撞啱係假期關係，我咪帶佢去搵相熟牙醫。」而令她最難忘的是，雲妮在個唱期間拆觀眾菲林：「同外國人合作好多規矩、好嚴，場內唔畀影相，但佢見到觀眾影，就親自落台問個觀眾係咪想合照，點知影完佢就收咗部相機交畀保安。」當時現場觀眾報以噓聲，令陳淑芬覺得十分遺憾。
雖然雲妮近年負面新聞一大籮，又經常發老脾，但陳淑芬說：「我覺得佢Nice，嗰時唔使我哋理，佢會自己包頭落去小食店買Pizza。對佢嘅死好突然，好可惜，好難得有一個黑人咁靚女嘅歌手，把聲仲靚到咁！」
04年雲妮與波比（左）訪港，有保鏢同行的她大方向鏡頭揮手。
陳淑芬