Beyonce公開大眼B女玉照

上月為歌手老公Jay-Z誕下愛女的Beyonce，前日首度免費公開數張女兒玉照益街坊，而非以數百萬元將獨家刊登版權賣給雜誌，此舉贏得網友力讚。

上月7日誕下女兒Blue Ivy的Beyonce，一直將女兒的容貌保持神秘，坊間以為她會像畢彼特及安祖蓮娜祖莉一樣，以天價賣女兒舒蘆洛華玉照版權給雜誌，但Beyonce及Jay-Z前日在為女兒而設的新網誌公開5張照片，網友大表歡迎。

藍色指甲油襯女

兩人在網誌寫道：「歡迎你哋一齊分享我哋嘅喜悅，多謝你哋喺呢段人生美好時刻尊重我哋嘅私隱。」相中Beyonce躺在醫院抱着女兒，更塗上藍色指甲油襯托女兒，Beyonce沒水腫，不似剛生完BB，而Jay-Z亦抱實女兒拍照，盡顯慈父本色。其餘3張照片包括Beyonce捉着Blue的小手、睡着的Blue捉住耳朵及摟着毛氈，可見Blue眼大大，大鼻似足爸爸，嘴唇則似媽媽，有網民認為Blue較似Beyonce妹妹Solange。

而去年誕龍鳳胎後亦自行發放子女玉照的巨肺天后瑪莉亞卡里，前日亦公開子女Monroe及Moroccan近照，兩個BB在床上爬行，非常精靈。至於Jay-Z與Kanye West的新歌《N**gas in Paris》MV日前首播，由於有不少閃光和快速剪接效果，故加入「可能令癲癇病人引起抽搐」的警告字句，獲癲癇研究組織大讚體貼。