許冠文棟篤騷寸爆高官

許冠文（Michael）前晚在文化中心舉行慈善棟篤笑，寸盡政府高官、社會時事及大談男女感情，並興奮大嗌至聲沙沙。Michael認為男人要識做戲冧女，故所有影帝都沒有離婚，提到謝霆鋒及張栢芝，他說：「點解離兩年都離唔到，因為影帝身邊係影后！大家一齊祝福佢哋！」他又踢爆已故弟弟許冠英搭飛機要服鎮靜劑，騷後他提起阿英時再度哽咽：「原本想請佢上台，但依家佢嚟唔到，有好多講佢嘅嘢都Cut咗，怕笑唔出，阿Sam（許冠傑）就嚟開騷都話唔慣，幾十年第一次少咗個人。」是晚吸引不少名人及演藝人捧場，並籌得120萬元善款。

扮鬼扮怪的許冠文落力演出，終籌得理想善款。