阿B撇甩范姜拖「3B女」歎茶

鍾鎮濤（阿B）與女友范姜拍拖多年，並先後誕下兩名女兒鍾懿和鍾幗，早前阿B在台灣受訪時表示會在今年內與范姜拉埋天窗。前日下午4時許，阿B帶同大B女嘉晴及兩名細B女乘車往金鐘，同行還有一名傭人及一男友人，但全程未見女友范姜。落車後，阿B與男友人即拖實小B女鍾幗，而大B女嘉晴則拖着細妹鍾懿，場面溫馨！問到是否去飲茶？阿B說：「係呀！係呀！」然後齊齊搭升降機到商場歎茶。

另外，「不倒胸」模何佩瑜（Jeana）日前與女助手現身中環街頭，由於當日天氣寒冷，戴上公仔冷帽的Jeana穿上大褸包到冚兼雙手插袋，與助手邊行邊傾，原本耷低頭細心聆聽助手說話的她，發現鏡頭即Chok樣，果然甚有觸覺。