Stephy密謀獵仔報復小方

歌手鄧麗欣（Stephy）昨日於北角出席now海潤台的活動，對於有指獲黃柏高（Paco）邀請加盟Neway，她大方承認，希望短期內有定案，至於會否與方力申（小方）共同進退？她說：「我哋有傾過，隨緣啦！希望情人節有驚喜！」提到小方與張馨予的激吻戲，又與周秀娜日夕相對，Stephy亦密謀「報復」：「冇必要最好唔睇！呢個世界公平嘅，寄望我搵番啲型男拍檔！」對於早前有指小方的酒店房間留下色情單張，她力撐男友：「我返內地拍劇，都有類似嘅紙仔攝入我房，佢咁忙，應該唔會亂嚟！」

另外，Paco昨日接受薛家燕訪問時表示有興趣簽彭羚，但未知對方可會重踏樂壇。

鄧麗欣甫出現即惹起混亂，勁受歡迎。