馬詩慧：點解生意要夜晚傾?
王敏德與索女在街頭爭執，太太馬詩慧（Janet）在電話中表示不知情，被問到老公會否每次去街都報告行蹤，她說：「咁佢又冇每一次都同我講，不過佢最近搞緊自己嘅品牌生意，手錶、時裝等多咗應酬，日日都見佢好忙。（會唔會唔畀佢夜歸？）因為做生意，佢最近真係夜咗返，唔明點解啲生意要夜晚傾，可能飲多幾杯酒，容易傾啲。」
問到會否擔心老公在外拈花惹草，Janet說：「邊驚得咁多，大家一齊咁多年，如果每日都驚，咁咪好唔得閒，兩個人一齊要互相信任，我對佢有信心。（老公被影到與索女一齊，佢哋好似有啲爭執？）咁唔係同男人，就係同女人出街，除非佢哋有啲好猥褻行為，如果唔係唔會乜事都要問佢。」至於會否擔心老公出外應酬，多靚女埋身，Janet講笑說：「我都好多男人埋身，你哋唔知啫！哈哈！邊有得擔心咁多。」
馬詩慧不知老公夜蒲遭索女罵，也不擔心他拈花惹草。（資料圖片）