樂壇新人鄧浩銘（Imond）日前到旺角鬧市派朱古力，引來不少女途人包圍，更被婆婆熱情攬腰！其友人張靈（Miya）特地撐場，並冧笑透露將與拍拖不久的男友度情人節：「以前會出Trip玩吓，好似特別啲！依家煩緊送咩好，希望畀到Surprise男友！」又表示不擔心公開戀情會影響工作。
單身的Imond則自爆曾有個難忘情人節：「幾年前同女友食情人節大餐，之後因為小事鬧交，最後仲分埋手，都幾傷！」但不愁寂寞的他忙於學唱歌跳舞，以及為電影Casting，努力裝備自己，全力進軍娛樂圈。