狄易達浪漫「達」人最冧

狄易達與師妹蔚雨芯（Rainky）炮製朱古力預祝情人節，原來達仔是浪漫「達」人，曾炮製燭光晚餐及以蠟燭砌心心冧女友，相反Rainky經常向追求者派檸檬！

情人節將至，歌手狄易達孖住師妹蔚雨芯學整朱古力應節，並細心地「刻字」，達仔寫上名字諧音「Di2Da」的「2」字及一張笑臉，Rainky則寫上「愛」和「芯」，甚有心思！曾傳緋聞的他們互餵朱古力，卻沒有過電，Rainky讚達仔細心又老實，但只當對方哥哥，達仔則說：「佢太細個！我鍾意成熟少少，最多細我三歲。」

被讚老實的達仔其實是名浪漫情人，反而女仔人家Rainky卻直認悶蛋，沒有難忘情人節。達仔中學時曾與哥哥一起整曲奇贈女友，過往情人節亦試過炮製燭光晚餐及彈結他，浪漫爆燈！他說：「仲試過喺女友屋企樓下用蠟燭砌心心，中間放禮物，係咁畀啲路人笑，但女友感動到喊o架！」而今年情人節他會出騷跟Fans分享愛，其後則有神秘節目。

蔚雨芯樂做煮飯婆

18歲的Rainky經歷不及師兄，但也會整凍餅與友人分享喜悅：「我廚藝OK㗎！識整薑葱炒蟹同蟹粥，第時做煮飯婆冇問題！」不過，讀書時是風紀的她甚守規矩，會「杜絕」同學的拍拖行為：「會捉拖手嘅同學，雖然我有人追，但會直接趕佢哋走，覺得同齡人思想較幼稚。（唔恨拍拖？）冇咩少女幻想，我唔係咁浪漫。」