歌手連詩雅（Shiga）早前一口氣參與四場內地酒吧騷，因反應熱烈，主辦單位主動加歌酬利誘她再唱多四場，問到「人仔」是否很易賺？Shiga說：「等公司安排，錢唔係最重要，舞台經驗先緊要。」她透露每次中港來回，車程需時六小時：「係辛苦啲，但覺得值得，係一個好好嘅鍛煉，學識一個人喺台上點搞氣氛，錢係買唔到經驗。」Shiga承認內地歌迷較熱情：「可能好少會見到我。（唔驚畀人抽水？）唔驚，公司每次都會派幾個助手畀我，大會亦有安排幾個保安，不過我都唔敢同歌迷握手，因為怕扯我落台。」
連詩雅登台獻唱，帶挈酒吧生意勁升。
連詩雅大讚內地歌迷熱情，但不怕被抽水。
