姜紫藍難忘病危脫髮被男友狠飛
兩年前曾推出寫真集的姜紫藍（Color），現為美亞電視台主持人。經常以性感形象示人的她，不想再被標籤為o靚模，故今年書展繼續出書，會細訴自己患重病的一段經歷。
Color回憶讀中七時曾因白血球過低，經歷了一段「難捱」的日子。當時她的髮絲脫落變光頭妹之外，又要長期住院而被迫停學，初戀男朋友更向她提出分手：「當時真係好灰，好似所有噩夢發生喺我身上，當時我住喺醫院隔離病房，唔知幾時好番，唔知過唔過到明天，真係好絕望！記得嗰年嘅中秋節，我要求出院返屋企，我舅父就為我祈禱，嗰刻我不停喊！但我學識將個病交託畀神，之後醫生終於醫番好我。」Color希望透過此書發放正面訊息鼓勵所有病患者堅強面對人生。
姜紫藍曾經歷一場大病，令她頓感人生絕望。