羅貫峰周身刀靠一團火養家

曾主持兒童節目、現主持 《都市閒情》的無綫藝員羅貫峰（Damon），入行17年，近年事業家庭兩得意，除主持工作外，更與友人合資做生意，包括開BBQ酒吧、醫學美容及室內設計公司，打理得頭頭是道兼有盈利。快將榮升父親的 Damon，目前努力賺錢養家，凡事以家庭行先：「因為就嚟做爸爸，屋企有年長父母，又要照顧老婆同快將出世嘅BB，心中嗰團火好大，要抓緊所有機會，30至40歲係搏殺期！」

另外，Damon對拍劇仍有興趣：「喺TVB都幾穩定，遲啲生意再Run順啲，可能又再轉番去拍劇。（同友人做生意易生拗撬？）唔會，我喺娛樂圈咁多年，識得分析，做生意係人夾人，愈熟絡嘅朋友就愈容易有私人感情。」

將榮升人父的羅貫峰，搏殺搵奶粉錢。