李彩華紅館獻Sing熟女扮Cute
近年忙於在內地拍劇吸金的李彩華（Rain），已榮升圈中小富婆，但仍未忘歌手身份。Rain將於下周一在紅館擔任演唱會表演嘉賓，屆時獻唱自己歌曲《你唔愛我啦》，她已有四年沒有在公開場合唱此曲：「今次獲邀做個唱嘉賓，真係開心到(舌累)飯應，其實首歌唔需要好高技巧嘅，只係要唱得Cute同好輕鬆。」
但Rain現時愈見女人味，與這首歌的Cute味似乎有點不夾，她笑說：「我依家都諗緊到時點唱首歌，用太成熟唱法同打扮去唱，又好似唔Match，惟有自然流露，到時應可愛就可愛啦！」此外，她自爆偕男友潘啟翀赴韓國旅行：「辛苦工作完都要回報自己嘅。（買樓送畀媽咪？）買樓都係投資保值啦！最緊要啲錢用得其所。」
李彩華自言是辛苦命，故要繼續工作，暫未打算結婚。
李彩華將在紅館任表演嘉賓，屆時會唱出其代表作。