組合糖兄妹日前出席活動，成員糖妹自爆與早前到外地進修的HotCha成員Regen非常老友，皆因兩人入行前曾四出參加歌唱比賽，經常「交手」而成為好友：「我同佢之前會成日聯絡，但依家因為佢去咗外地，有時好難通訊，所以希望佢一切順順利利啦！」她亦寄語Regen要努力，希望可以早日「重出江湖」！
糖妹表示拍檔糖兄（阿峰）也是她非常重要的好友：「我哋入行一年幾以來，一直互相扶持，經歷大小事件，我哋嘅感情已經超越咗友情，去到真正『兄妹』情嘅感覺！」
糖兄妹的感情已昇華至兄妹情。
