陳詩慧處女拍劇搵杏兒教戲

歌手陳詩慧（Eva）自與環球約滿後不斷增值，近日獲王維基睇中力邀加盟，並為她開拓歌、視兩棲。處女下海拍攝劇集的Eva坦言有點緊張，更大方承認視后好友胡杏兒主動教路。

歌手陳詩慧（Eva）05年簽約無綫，08年加盟環球唱片，4年合約於去年約滿。而與無綫的經理人約同時屆滿，周身刀的Eva即獲王維基垂青力邀過檔，為利誘Eva，更將所有劇集歌曲及製作交由她負責，更為她度身訂造劇集，助她歌、視發展，備受賞識的Eva二話不說動筆簽約。

Eva坦言新公司比舊公司多很多機會，更笑言難逃七年之癢：「同無綫合作咗七年，依家感覺好似中學升大學咁。」她透露今年會嘗試拍劇，問到會否請教視后好友胡杏兒？她說：「佢話會教我。」當追問杏兒與男友黃宗澤傳好事近？Eva卻守口如瓶說：「唔知喎！」

做好歌未死心

對於本港樂壇被指「愈來愈死」，Eva無奈地說：「其實樂壇有好多好有心、不問收穫嘅歌手，同埋有好多選擇同好歌畀歌迷去揀。」雄心壯志的她強調只要剩下一口氣，都會努力做好歌：「本身好喜歡廣東歌，相信大家個心仲未死！」